Во Скопје денеска беше отворен седмиот меѓународен Сaeм зa грaдeжништвo, грaдeжни мaтeриjaли и грaдeжнa мeхaнизaциja. Под мотото „Од темел до покрив“, на саемот се претставени над 300 фирми од земјава и странство. Доминираат производителите на градежни материјали, изолација, градежна механизација и конструкција, столарија, машини за обработка, како и решенија за спроведување на стандардите на Европската Унија. Во рамките на „Градежништво 2010“ ќе се одржат и две трибини на теми актуелни за јавноста, со учество на стручната и научната јавност. Ќе се дискутира за еврокодови во градежништвото, хармонизација на националната со европската и меѓународната стандардизација и слично. Саемот ќе трае до 6 март, со работно време од 10 до 19 часот. Влезниците чинат по 70 денари, а за групна посета по 30 денари.