Епааа мора некогаш да пукне балонот. Се надуваа со цените до даска и сега не купуваат луѓе. Па и да има пари не е будала да даде толку, поскапо од европски метрополи, ќе почека. И прикаски за мали деца за влезна врата дека влијае на цена на станот е  во најмала рака навреда и потценување кон читателот.

И една друга работа. Елитен стан, не е  никаква класа или категорија на стан, него се станови во кои се очекува да живеат луѓе од некаква си елита, а самиот збор елита е нормално да се врзува со пет-шест отсто. Така да кога ќе кажат дека само мал број граѓани успевале да обезбедат "елитен" стан, тоа е исто како да кажале дека има луѓе во Македонија што земаат потпросечна плата или нешто слично сувопарно, фразерски, без два грама основна математика.

И ова треба да е некакво "новинарство"?!

Крушево веќе не живее само за Илинден

За последната една и пол година во градот се продадени стотина куќи, што за три-четири пати ја покачи и цената на квадратот

ПКрушево бележи драстично зголемување на прометот на недвижности. За последната една и пол година во градот се продадени стотина куќи, што за три-четири пати ја покачи и цената на квадратот. Ако претходно, куќа со подрум и два ката, со површина од 90 до 120 квадратни метри корисна површина, можеше да се најде и за десетина илјади евра, сега за иста таква куќа, во зависност од локацијата и, нормално, староста и состојбата, треба да се издвојат од 40 до 50 илјади евра.

Овој податок можеби ќе го стави Крушево на листата со светски раритети, зашто раздвиженоста на пазарот и зголемувањето на цените на недвижностите се случува во време на светска и домашна економска криза. Но, едно е сигурно, тоа е најдобар показател дека во градот на првата република на Балканот нешто сериозно се случува. Зашто, зголемениот промет со недвижности за место со малку повеќе од 5.000 жители, сигурно не оди со квалификативи од типот „мртов“ или „напуштен“ град, кои во изминатиот период беа карактеристични за Крушево.

И како што обично бидува кај нас, крушевчани поделени. Гледаат различни причини исто како што имаат и различни толкувања и објаснувања. Но, главно се' се врзува за две работи, за трагичната судбина на Тоше и за почетокот на културната манифестација „Крушево - етноград“. И едната и другата значат вистинска преродба и инфузија за почеток на туристички бум и, воопшто, нов живот на градот.

Младите си заминаа

- Вистина се продадоа куќи. Ги купуваат стари крушевчани, сега чорбаџии од Скопје, ги реновираат и дотеруваат. Доаѓаат тука за викенди или за одмори по десетина, дваесет дена. Ама тоа не е чарето. Крушево изумира на големо. Млади за работа нема, сите се заминати по парче леб во Германија, Словенија, Црна Гора, Грција - вели разочарано Томо Тана.

Мајстор е, столар во пензија. Има 77 години и така пензионерски работи во својот дуќан. На ситно, по некоја врата или пенџере, колку да не се седи без ич. Големи работи нема, се жали.

Додека разговараме, во дуќанот е и Перо Петровски. Забележува дека куќите ги продаваат тие што не сакаат да живеат веќе во Крушево, а ги купуваат луѓе што, исто така, нема да живеат тука.

- Во Крушево нема живот, изумреа работите. Едно време се занимавав со лепчиња за децата. Порано имаше деца во школите, земаа кифли, едно-друго. Сега штом завршат основно, бегаат. Три паралелки по 30-ина деца, вкупно 90-ина. Во забавиште, пак, се запишуваат по 20-ина деца, каде е разликата и каков е соодносот, видете, па кажете. Секоја година по 70 деца си одат. А, ние што останавме и се снајдовме на некој начин, може да се каже живееме некако - вели тој.

А, во мала средина се' веднаш се забележува. Центарот полн со млади. Во кафулињата едвај може да се најде слободно место. Така е до крајот на работното време, потоа како по нечија команда сите заминуваат. Дома, на ручек, се разбира.

Од една прошетка низ градот и неговата околина може да се забележи дека се работи. Инвестираат и локалната самоуправа и централната власт. Во центарот се прави нов плоштад, се освежуваат фасадите на сите околни куќи, се гради нов покриен пазар, се реновираат и градат куќи, се гради меморијалниот центар на Тоше, на Гумење се препознаваат контурите на нов спортско-рекреативен центар, се гледаат пробиени тампонирани улици, се гради новиот резервоар за градскиот водовод, се реновираат хотелите „Монтана“ и „Илинден“...

Но, Крушевци не се согласуваат дека животот се враќа во Крушево на голема врата:

- Овие работи требаше да се направат со време, пред 10-15, па и 20 години. Сите фабрики се затворени, се' е замрено. Транзицијата си го направи своето и сега го плаќаме данокот. Се градат паркот, пазарот, тоа е убаво за луѓето што останаа во градот. Ама млади нема, си заминаа од градот. На Крушево му недостигаат инвестиции, да се отворат фабрики, погони - резигнирано забележува Петровски.

Коста Мицковски, раководител на одделението за локален економски развој во Општината, истакнува бројки. Моментно во Крушево има 1.276 вработени, 176 се евидентирани како вработени земјоделци и 1.985 лица се невработени. Од затворените фирми, кои ги изеде транзицијата, сега некогашната златарница функционира како текстилна фабрика и во неа има околу 80 вработени. Во дрвната индустрија „Орнамента“ лебот го вадат 50 вработени, „Еуротек“ има 30, една заштитна организација со 50-ина вработени и функционираат уште три приватни фирми од дрвната индустрија со по десетина вработени.

- Крушево е во некоја фаза, би рекол, на почетни инвестиции. Затворените објекти се продаваат и купувачите инвестираат во нив, но, за жал, се' уште тоа не се одразува преку нови вработувања. Веројатно тоа е процес. Први знаци има, ама ефектите ќе се очекуваат за неколку години - вели тој.

Нови викенд-населби

Крушево ќе добие две нови елитни викенд-населби. Едната ќе биде крај Крушевското Езеро и тука преку Министерството за транспорт и врски се продадени 46 плацови за поединечни викенд-куќи и три за мини-хотели. Втората ќе никне во непосредна близина на манастирот Св. Преображение, кај месноста Бела Вода. Тука се предвидени 40 плаца, а викендичките треба да се градат во форма на потковица. Од тука, од едната страна како на дланка се гледа цела Пелагонија, а крушевчани забележуваат дека кога е ведро времето може и Олимп во Грција да се види. Од другата страна, пак, се гледа целиот кичевски крај. Според груби пресметки, изградбата на двете населби ќе свртат најмалку милион евра, што сигурно ќе се почувствува и врз локалната економија.

- Несомнено дека продажбата на стотината куќи и изградбата на викенд-населбите ќе му дадат нов импулс на градот. Новите луѓе носат бенефит за сите, а со нив доаѓаат и нови идеи. Цел ни е прво да завршиме со нашите обврски, да ги затвориме прашањата од инфраструктурата и потоа целосно да се посветиме на туризмот, зашто Крушево може да живее од него. Ама нема туризам без сместувачки капацитети, уште повеќе што тие помагаат и со други содржини, кои ги нема градот, на пример, базен, дискотеки, спа-центри. Паралелно, треба да се работи и на инвестиции. Има заинтересирани грчки стопанственици за префрлање на нивниот капитал тука, но се' уште е рано да се зборува за нешто посериозно. Луѓето се можеби задоволни од тоа што се прави во градот, ама се' паѓа во вода кога е во прашање егзистенцијата и затоа можам да го разберам нивното незадоволство од тој аспект - вели градоначалникот Василчо Дамчески.

Според стратегијата за развој на туризмот подготвена во 2000 година, Крушево има постојан пораст на туризмот и според бројот на туристите и според бројот на ноќевањата. Притоа, намален е бројот на ноќевањата во хотелите, но зголемени се во приватниот сектор. Ова, пред се', се должи на определбата на се поголем број крушевчани да инвестираат во преадаптација на своите домови и задоволување на барањата на туристите. Тие, едноставно, бараат нешто типично за Крушево.

- Ако некогаш важеше правилото дека туризмот во Крушево е само околу Илинден или две-три недели за време на зимскиот распуст, сега не е така. Сега туристи има секојдневно, преку цела година, нема ден Крушево да не го посетат по 200-300 туристи - вели Христина Бојаџиева, сопственичка на Вилата ла кола.

Таа признава дека вложената инвестиција во вилата се' уште не е вратена, но зголемениот број туристи и' ја враќа вербата дека многу скоро и тоа ќе биде. Оттука и определбата повторно да инвестираат со сопругот. Веќе се работи на втората семејна куќа, која целата ќе биде во крушевски стил.

Дамчески, пак, развојот на туризмот го гледа од два аспекта: подготовки на спортски екипи и обновување на замрениот зимски туризам. За таа цел, веќе се подготвени проекти за нова жичница, прераспределба на ски-лифтовите и оспособување на патеката за ноќно скијање со вештачки снег, со што ќе се продолжи и целата сезона. Истовремено, словенечко-германска фирма на чело со познатиот словенечки скијачки ас Бојан Крижај има подготвен елаборат за нов скијачки центар кај месноста Мусица со патеки во должина од 16 километри. Истата фирма се јавува во улога на главен инвеститор за изградба на фотоволтаници на месноста Гума со површина од 17 хектари и јачина од 8 мегавати, како и на 27 ветерници на потегот од Слива до Мечкин Камен, секоја со јачина од по три мегавати.

Подготовките при краj

Во Крушево се вршат последните подготовки за втората по ред манифестација „Крушево - етноград“, која лани привлече над 10.000 туристи. Таа треба да почне на 18 јули и за разлика од ланските две недели, годинава ќе трае до крајот на август.

- Промоцијата на етноградот е нешто најдобро што можеше да му се случи на Крушево. Од една спонтана идеја и приказна се доби многу, а таа успеа благодарение на медиумската поддршка и од фактот што ја прифатија сите граѓани. Во проектот се вклучија буквално сите и во него нема никаква политика - вели градоначалникот Дамчески.

Годинава ќе бидат отстранети сите слабости од лани. Се шијат нови костими, наместо импровизации се оди на правилна чоја и типични крушевски везови, патиките ќе бидат заменети со опинци, а костимите ќе одат со чевли. На влезот во градот гостите ќе бидат пречекувани од еден комита и еден „Турчин“ и секој поединечно ќе добие потврда дека „учествувал во востанието“ и програма што треба да посети додека е во Крушево, кои се неговите главни културно-историски знаменитости.

- Крушево може да живее од туризмот, само треба добро да се склопи приказната за Илинденското востание, етноградот, зимскиот и алтернативниот туризам - потенцира Дамчески.

http://www.dnevnik.com.mk/?ItemID=B53C1FD7014D3249A11119C9EB0CEA67

АКО СЕ РЕ­ШИ СПО­РОТ ЗА ИМЕ­ТО

Ста­но­ви­те ќе пос­ка­пат

Во 2008, ко­га се прог­но­зи­ра­ше влез на Ма­ке­до­ни­ја во НА­ТО, ста­но­ви­те пос­ка­пеа за 30 нас­то, а пос­ле тоа не по­ев­ти­ни­ја. Аген­ци­и­те за нед­виж­нос­ти твр­дат де­ка и ре­ша­ва­ње­то на спо­рот со име­то ќе ре­зул­ти­ра со скок на це­на­та на нед­виж­нос­ти­те, но ве­лат де­ка е ра­но да се прог­но­зи­ра за кол­ку

Ста­но­ви­те во Ма­ке­до­ни­ја не­ма да по­ев­ти­нат, са­мо уш­те по­ве­ќе ќе пос­ка­пу­ва­ат, твр­дат од Гру­па­ци­ја­та на гра­деж­ни­ци во Сто­пан­ска­та ко­мо­ра на Ма­ке­до­ни­ја и од аген­ци­и­те за нед­ви­жен имот. Ка­ко глав­на при­чи­на за ско­ка­ње­то на це­на­та на квад­рат­ни­от ме­тар, тие го по­со­чу­ва­ат евен­ту­ал­но­то ре­ша­ва­ње на спо­рот за име­то со Гр­ци­ја и вле­гу­ва­ње­то на Ма­ке­до­ни­ја во ЕУ, и пот­се­ту­ва­ат де­ка ста­но­ви­те пос­ле­ден пат драс­тич­но пос­ка­пе­ле за ду­ри 30 нас­то во 2008 го­ди­на, пред са­ми­тот на НА­ТО во Бу­ку­решт. Зго­ле­му­ва­ње­то на це­на­та, ве­лат тие, за­ви­си и од це­на­та на гра­деж­ни­те ма­те­ри­ја­ли, ра­бот­на­та ра­ка и ска­пи­те ло­ка­ции за град­ба.
"Ако се ре­шат овие два мно­гу важ­ни проб­ле­ма за Ма­ке­до­ни­ја, це­на­та на нед­виж­ни­от имот си­гур­но ќе се зго­ле­ми, но сe уш­те е ра­но да прог­но­зи­ра­ме за кол­ку", ни ре­коа аген­ти од аген­ци­и­те за нед­ви­жен имот што ги кон­так­ти­рав­ме вче­ра.
Ни­ко­ла Вел­ков­ски, прет­се­да­тел на Гру­па­ци­ја­та за гра­деж­ниш­тво во Сто­пан­ска­та ко­мо­ра на Ма­ке­до­ни­ја, ве­ли де­ка по­ми­на вре­ме­то ко­га мо­же­ше да се ку­пи ев­тин стан.
"По­ну­да­та на па­за­рот на нед­ви­жен имот е ог­ра­ни­че­на, ло­ка­ци­и­те за град­ба се нек­ва­ли­тет­ни, а ска­пи, пос­ка­пи се ма­те­ри­ја­ли­те за град­ба и ра­бот­на­та ра­ка. Ко­га се­то ова ќе се со­бе­ре, на крај из­ле­гу­ва де­ка це­на­та, иа­ко за на­ши ус­ло­ви е ви­со­ка, се­пак, е ре­ал­на", ве­ли Вел­ков­ски.
Тој об­јас­ну­ва де­ка нај­го­лем проб­лем кој ја пум­па це­на­та на нед­виж­ни­от имот во Скоп­је се ло­ка­ци­и­те за град­ба. Нај­чес­то тоа се гра­деж­ни пар­це­ли кои се во не­чи­ја сопс­тве­ност и ин­вес­ти­то­рот за да гра­ди на нив, мо­ра де­бе­ло да ги пла­ти.
"Зем­јиш­те­то за град­ба учес­тву­ва со 200 до 400 ев­ра по квад­ра­тен ме­тар во крај­на­та це­на на из­гра­де­ни­от квад­ра­тен ме­тар во згра­да. Уш­те тол­ку па­ри одат за ма­те­ри­ја­ли и за ра­бот­на ра­ка, и со 150 ев­ра за ко­му­на­лии се стиг­ну­ва до око­лу 1.000 ев­ра тро­шо­ци, на што ин­вес­ти­то­рот до­да­ва уш­те не­кол­ку сто­ти­ци ев­ра чист ќар", ве­ли Вел­ков­ски.
Се­га це­ни­те на квад­ра­тен ме­тар во но­вог­рад­ба во Скоп­је, во за­вис­ност од ло­ка­ци­ја­та, се дви­жат од 900 до 1.400 ев­ра. Ста­но­ви­те се нај­ев­ти­ни во на­сел­ба­та Ѓор­че Пет­ров, а нај­ска­пи во Цен­тар, кај Уни­вер­зал­на са­ла. По це­на од око­лу 1.000 ев­ра сe уш­те мо­же да се нај­де стан во град­ба во Ки­се­ла Во­да. Слич­ни се це­ни­те и во Ох­рид, кој ва­жи за нај­го­ле­ма ту­рис­тич­ка дес­ти­на­ци­ја во др­жа­ва­ва. Та­му квад­рат­ни­от ме­тар се дви­жи од 800 за пер­и­фер­ни­те на­сел­би, до ду­ри 1.300 ев­ра во цен­та­рот на гра­дот. Во ос­та­на­ти­те гра­до­ви во Ма­ке­до­ни­ја квад­рат­ни­от ме­тар е на по­ло­ви­на це­на од скоп­ска­та и од ох­рид­ска­та, а прог­но­за е де­ка таа мо­же да се зго­ле­ми нај­мно­гу за 10 нас­то. И.Сми­љан­ска

Ста­ри­те ста­но­ви во Скоп­је пос­ка­пи од но­ви­те

Чис­ти­те имот­ни лис­то­ви, доб­ри­те ло­ка­ции и пок­ва­ли­тет­на­та град­ба сe уш­те ја др­жат ви­со­ка це­на­та на ста­ри­те ста­но­ви во Скоп­је. Во ста­ри­те згра­ди во на­сел­би­те Кар­пош 1, 2 и 3, во Град­ски ѕид и во Ае­род­ром ста­но­ви­те се ну­дат по це­на од 1.100 до 1.250 ев­ра за квад­ра­тен ме­тар. Ако се ре­но­ви­ра­ни, мно­гу чес­то се слу­чу­ва тие да се пос­ка­пи и од но­вог­рад­би­те, а на лис­ти­те на аген­ци­и­те мо­же да се нај­дат и так­ви за кои се ба­ра­ат ду­ри и по 2.500 ев­ра за квад­ра­тен ме­тар (во стро­ги­от цен­тар на Скоп­је, во Град­ски ѕид).


Нај­мно­гу се про­да­ва­ат ма­ли ста­но­ви

Мо­мен­тно нај­ба­ра­ни и нај­про­да­ва­ни се ста­но­ви­те од 40 до 50 квад­рат­ни мет­ри. Оваа квад­ра­ту­ра е нај­при­фат­ли­ва за ку­пу­ва­чи­те, би­деј­ќи су­ма­та ко­ја тре­ба да ја пла­тат не е мно­гу го­ле­ма и нај­чес­то ве­ќе има­ат обез­бе­де­но ба­рем тре­ти­на или по­ло­ви­на од па­ри­те, а за ос­та­на­ти­от дел ба­ра­ат бан­кар­ски кре­ди­ти кои по­лес­но мо­же да ги от­пла­ќа­ат.

Се­ко­гаш се ку­пу­ва нед­ви­жен имот

Стан се ку­пу­ва во се­кое вре­ме, би­деј­ќи е нај­ка­пи­тал­на ин­вес­ти­ци­ја, ве­лат од аген­ци­и­те за нед­ви­жен имот.
Од та­му об­јас­ну­ва­ат де­ка нед­виж­ни­ни­те се­ко­гаш се нај­си­гур­на оп­ци­ја за вло­жу­ва­ње па­ри.
"Ни­ту бер­за­та ни­ту бан­кар­ски­те ка­ма­ти се тол­ку си­гур­на ин­вес­ти­ци­ја ка­ко ин­вес­ти­ра­ње­то во ку­ќа, стан, зем­јиш­те или во де­ло­вен прос­тор. На бер­за­та мо­же да има ка­тас­тро­фал­ни пот­ре­си, а чу­ва­ње­то на па­ри­те во бан­ка, иа­ко е при­мам­ли­во по­ра­ди зго­ле­ме­ни­те ка­ма­ти на де­по­зи­ти­те, не е си­гур­но, би­деј­ќи бан­ки­те да­ва­ат га­ран­ци­ја са­мо со 10.000 ев­ра", со­ве­ту­ва­ат аген­ти­те од аген­ци­и­те за про­мет со нед­ви­жен имот.
От­та­му об­јас­ну­ва­ат де­ка имо­тот и да е ку­пен на кре­дит, со не­го мо­же да се от­пла­ќа ед­на ме­сеч­на ра­та, ако се из­да­де под на­ем. Ис­то та­ка, мо­же и доб­ро да се за­ра­бо­ти ако се че­ка да му се зго­ле­ми вред­нос­та.

http://www.vest.com.mk/?ItemID=8E13A4CE24A22942983927B6202B33F4

ЗАКУПОТ НА ДЕЛОВНИОТ ПРОСТОР НАДВОР ОД ЕКОНОМСКАТА ЛОГИКА Илјадници евра за десетина квадратни метри во центар Рада И. Маневска Кириите за деловен простор во центарот на Скопје и годинава растат достигнувајќи суми кои, според економистите, не се соодветни на економската логика. Во атрактивните делови на центарот на градот дуќан или друг деловен простор се издава и по цени меѓу 80 и 100 евра за квадратен метар. На улицата „Македонија“, крај кејот, во Градскиот трговски центар месечниот закуп на локалите достигнува и повеќе од 6.500 евра. Во поширокото централно подрачје висината на киријата се движи од 8 до 30 евра за квадратен метар, додека долната цена на канцеларискиот простор е 250 евра. Спротивно на ова, во пооддалечените делови од градот интересот за локали опаѓа, па дел од инвеститорите веќе го пренаменуваат од деловен во станбен простор. - На улицата „Македонија“, на пример, за дуќан од 30 квадратни метри се плаќа 2.500 евра месечна кирија. Има локали за кои е утврдена кирија од 3.000, 4.000, 6.500 евра, како и со повисоки износи, во зависност од атрактивноста на местото и дали локалот е опремен или се издава празен -вели Сашо Поп Илоски од агенцијата за недвижен имот „Хепинес“. Во Скопје, вели Поп Илоски, нема утврдена цена на киријата и често зависи од намената и од дејноста што ќе се објавува, местоположбата на локалот, како и неговата опременост. - За дуќаните се бара локал на агол, со најмалку два излога, фреквентни улици. Обично закупецот ја прифаќа понудената цена бидејќи за атрактивните локали важи практиката понудено - прифатено. За канцелариски простор услови за формирање на цената за издавање се препознатливоста на локацијата, местоположбата, пристапноста на паркинг-просторот и мрежната поврзаност (компјутерска) и друг вид опременост која е потребна за објавување на дејноста и“8211; вели Поп Илоски. Вака високите цени на кириите за деловен простор во централното подрачје, велат економските, на подолг рок не можат да бидат одржливи бидејќи се формирани на нереална основа. - Тоа, главно, се покажува со фактот што одделни локали во центарот на градот често ги менуваат кираџиите. Поради нереалната кирија и пониските приходи, тие често не успеваат да го намират долгот навреме и се принудени да ги напуштат локалите, а сопственикот на локалот е принуден да го наплати долгот на суд и“8211; вели Слободан Најдовски, економски аналитичар. Според него, во земјава во оваа област речиси не владее економската законитост на понуда и побарувачка, која би ја обликувала и цената на закупот на деловен простор. Ваквата состојба, велат од агенциите за недвижен имот, произлегува од практиката понудената цена на киријата безрезервно да се прифаќа од кираџиите. - Во Европа, па и регионот, цените на киријата за локалите одамна почнаа да паѓаат, но кај нас тоа не е практика. Ние прифаќаме европски цени или ги надминуваме нив, но понудата е далеку под европската и“8211; вели Поп Илоски од агенцијата „Хепинес“. Тоа, според него, е резултат на балканското размислување на нашите граѓани - да се заработат повеќе пари за пократок временски рок, но тоа во основа не дава поволни резултати ниту за закупецот ниту за тој на кого му се изнајмува. Затоа, кругот на можностите за изнајмување на деловниот простор се стеснува, па голем број локали често ги менуваат кираџиите или воопшто не се издаваат. Во одделни делови од градот, главно пооддалечените од центарот, дел од деловниот простор веќе се пренаменува за живеење бидејќи сопствениците не успеваат да го издадат. За ваквата состојба, велат економистите, е виновна економската криза и намалената куповна моќ, кои во голема мера ја загрозија профитабилноста на локалите, а со тоа и потребата за локали. Затоа и бројот на слободни простори или напуштени квадратни метри во другите делови од градот се зголемува. - Малите трговци се жалат дека поради кризата не можат да го шират бизнисот. Тоа доведува до мала побарувачка за локали, што во нормални услови би значело намалување на цената, но кај нас не е така. Ако на тоа се додадат проблемите кои ги имаат инвеститорите со високата цена на градежното земјиште, состојбата со висината на цената како на градбата, така и на закупот, нема да се промени и во наредниот период - вели Најдовски. Аналитичарите, пак, во светот проценуваат дека наскоро би можело да дојде до пораст на цените на кириите бидејќи постои најава дека продавачите на луксузна стока во светот повторно ќе тргнат во барање најатрактивни локали во центрите на градовите. Ова најава добро ќе им дојде на инвеститорите кои последните години и во Скопје градат големи трговски центри

http://vreme.com.mk/DesktopDefault.aspx?tabindex=2&tabid=1&EditionID=2051&ArticleID=143170

Зголемен интерес за новоизградени станови во Охрид

Охрид

Во екот на економската криза која владее низ целиот свет, охридските градежни фирми работат како никогаш досега.

Пред самиот почеток на летната сезона, во централното градско подрачје во Охрид, постојано никнуваат нови градби.

Според пишувањето на  Охрид њуз, иако новоизградените објекти се во експанзија не може да се каже дека градежната индустрија е во подем бидејќи во последната деценија, само неколку градежни компании можат да се пофалат со континуирано работење.

За новите станови во Охрид, кај охриѓаните нема голем интерес и купувачите се претежно од внатрешноста на Македонија.

Во централното градско подрачје за ново изграден стан ќе треба да одвоите од 1.150 до 1.300 евра за метар квадратен, додека старите станови се продаваат по цена од 850 – 1000 евра за метар квадратен.

На местото на урнатиот хотел Парк ќе се градат апартмани за кои, неофицијално, цената  за метар квадратен ќе се движи од две до три илјади евра./крај/он/ми

http://www.makfax.com.mk/#108251

Бројот на издадени одобренија за градење во март 2010 година зголемен за 10.5%

Според податоците на Државниот завод за статистика, во март 2010 се издадени 295 одобренија за градба што е за 10.5% повеќе во однос на истиот месец од претходната година.

Според издадените одобренија за градење, предвидената вредност на објектите изнесува 3 197 386 илјади денари што е за 31.4% повеќе во однос на истиот месец од претходната година.

Од вкупниот број на издадени одобренија за градење, 180 (61.0%) се наменети за објекти од високоградба, 53 (18.0%) за објекти од нискоградба и 62 (21.0%) за објекти за реконструкција.

Од вкупно 295 објекти, на 181 (61.4%) како инвеститори се јавуваат физички лица, а на 114 објекти (38.6%) инвеститори се деловни субјекти.

Во извештајниот период е предвидена изградба на 248 станови со вкупна корисна површина од 24 566 м².

http://www.stat.gov.mk/statistiki.asp?ss=11.02&rbs=8

ПОСКАПЕА ГРАДЕЖНИТЕ МАТЕРИЈАЛИ
Новите станови ќе имаат повисока цена

Елена Костовска

Цените на становите ќе растат поради поскапувањето на градежните материјали од 10 до 40 проценти кај домашните трговци и производители. Фирмите што градат станови велат дека цената на новиот квадратен метар ќе биде поскап во просек за околу пет проценти. Цената на увозните градежни материјали континуирано се зголемува на странските берзи поради зголемувањето на вредноста на доларот и порастот на цената на нафтата. Во нашата земја многу се губи поради курсната разлика од засилениот долар, а за тоа придонесува и скапиот транспорт на материјалите, велат трговците.
Најголем пораст е забележан кај железото, кој поскапи дури за 40 проценти. Среќна околност, според учесниците во градежниот сектор, е цената на работната рака, која е релативно пониска во однос на другите земји.
- Железото, кое беше 430 долари, сега се продава за 670 долари, а со нагорниот тренд се очекува да достигне 1.050 долари за еден тон. Со порастот на цената на нафтата се поврзани производите од глина, чијашто цена порасна за 10 проценти. Иако ги имаме во домашното производство, производителите на тули, исто така, ја зголемија цената за околу 10 проценти - вели Јован Илиевски, од „Изградба комерц“, фирма што има складови за градежни материјали.
Според Никола Велковски, потпретседателот на Комората на градежниците, цената на градежните материјали е доволно повисока за да има влијание врз цената на квадратниот метар.
- Цената на квадратниот метар и на сите градежни услуги ќе се зголеми. Со новите калкулации квадратниот метар, веројатно, ќе биде поскап за пет до десет проценти ако цената на сите градежни материјали порасне за повеќе од пет проценти - вели ВелковскиМакедонија е земја со високи цени на пазарот на недвижен имот, кои може да се споредат со цените на квадратниот метар во некои европски метрополи. И покрај тоа што со намалувањето на данокот на додадена вредност за продажба на станови од 18 на пет проценти се очекуваше нивно намалување, само мал дел од фирмите ја спуштија нивната цена. Цената на квадратниот метар на становите во главниот град на земјава се движи од 1.000 до 1.500 евра во зависност од местоположбата.

Originally posted by Max уф ако се наоѓа нешто за 25 евра тоа е топ, но како што кажа зависи каде! претпоставувам фактор плус е и урбанизацијата, дали има асфалтиран пристапен пат, кој по логика на нештата е обврска на општината, но бидејќи општината каска на овој план воедно и цената паѓа, исто сега е поволен момент заради секнатата светска економија, та и затоа се интересирам колку навистина се исплати сега да се инвестира таму во плац кој подоцна би се распродал поповолно!  исто ме интересира доколку некој има абер колку одат сега плацевите накај горно нерези, претпоставувам тука урбанизација сеуште не допрела!?

Точно така Мах, патот е фактор и освен првиот ред куќи покрај главниот пат имам впечаток дека другите мака мачат (веројатно и ИО може да сподели нешто како тој стига до неговата куќа која е повнатре зимно време).

Мојот плац е праисториски и цените по кои земен одавна не кореспондираат со реалноста.

Колку точно беа во 2005 година цените незнам но знам дека Сончев град ги набилда до околу 100ЕУР/квадрат.

Денеска колку што следам може да се најде пристоен плац од 25-50ЕУР/квадрат, во зависност од позиција, дали е поврзан на водовод, дали има струја и сл.

Бројките велат - низок старт, теренот – градежна експанзија

Несовпаѓање меѓу статистиката и реалноста

Бројот на издадени одобренија за градба во февруари годинава изнесува 212. И, во однос на февруари лани, тоа претставува намалување од девет проценти, покажуваат последните податоци од Државниот завод за статистика. Од вкупно издадените одобренија, дури 159, или 75 отсто, се наменети за објекти од високоградба, 16 или 7,5 отсто се за нискоградба, а 37 или 17,5 отсто за реконструкција.

Предвидената вредност на објектите за кои се издадени одобренија за градење изнесува над 32 милиони евра, што е за 12,5 проценти повеќе во однос на февруари минатата година. Од вкупно 212 објекти, кај 175 од нив, или 82,5 отсто, инвеститори се физички лица, а кај 37 или 17,5 отсто - деловни субјекти.

Предвидена е изградба на 300 станови, со вкупна корисна површина од 26.531 квадратен метар.

Ваквите податоци укажуваат на бавен почеток на градежната сезона. За разлика од лани, кога во време на криза имаше поголема градежна активност, првите два месеци од годинава се издадени значително помал број дозволи за градба. Така, во првиот месец од годинава издадени се за 34 отсто помалку дозволи во споредба со истиот месец лани, а во февруари за девет проценти помалку од лани.

Наспроти ова, на терен постојано се гради. И тоа, најмногу станбени објекти кои се најбарани. Ваквите состојби за познавачите претставуваат почеток на градежна експанзија, бидејќи на терен веќе чекаат голем број проекти за реализација. Само во февруари почнале да се градат 300 нови станови, а вкупната вредност на објектите за кои се издадени дозволи во овој месец е проценета на 32 милиони евра. Во тек е и изградба на социјалните станови кои ги гради државата, односно станува збор за вкупно 37 згради, а се градат и станови за припадниците на Армијата.

Министерството за транспорт речиси секој ден на јавно наддавање распродава државно земјиште. Целта на ваквата брза продажба на државното земјиште е да се влијае врз намалување на цената на станбениот квадрат. Но, експертите велат дека оваа акција ќе влијае само на раздвижување на градежниот бизнис и на ангажирање поголем број градежни работници, но не и на намалување на цената на квадратот.
Сепак, според градежниците процедурата за добивање градежна дозвола се уште е комплицирана, а проблем претставуваат бавната општинска администрација и големиот број детални урбанистички планови, кои се уште не се донесени во некои општини. 

Иако на пазарот за недвижности расте побарувачката за станови, градежните компании ги мачат истите проблеми кои минатата година ја кочеа градежната експанзија. Покрај спорото издавање на документацијата од општините и недостигот од земјиште за градба, еден од постојаните проблеми во секторот се задоцнетите плаќања од страна на клиентите и зголемените финансиски трошоци на компаниите.

Градежниот бизнис веќе долго време е во стагнација. Државниот завод за статистика речиси секој месец минатата година регистрираше пад на градежните работи дома и во странство. Останува да видиме дали годинава ќе заврши негативниот тренд во градежништвото.                                                                                                                                                                                                                                                                            http://www.biznis24.com.mk/node/7172